Քիչ առաջ ավարտվել է «Բարգավաճ Հայաստան» կուսակցության նախագահ Գագիկ Ծառուկյանի և «Տաշիր» խմբի սեփականատեր Սամվել Կարապետյանի հանդիպումը: Ըստ VERELQ-ի ունեցած տեղեկությունների՝ հանդիպումը տեղի է ունեցել Սամվել Կարապետյանի նախաձեռնությամբ: Վերջինս Ծառուկյանին առաջարկել է Հայաստանի վարչապետի պաշտոնը, եթե ԱԺ «Ծառուկյան» դաշինքը համաձայնվի Հանրապետական կուսակցության հետ կոալիցիոն կառավարություն ձևավորել: Սակայն Ծառուկյանը մերժել է՝ նշելով, որ իր ընտրությունն արդեն կատարել է ու այս պահին իր կուսակցության անդամները համաժողովրդական շարժման շարքերում են:
