Հայկուհի Հարությունյանն ընտրվեց Կոռուպցիայի կանխարգելման հանձնաժողովի նախագահ

Կոռուպցիայի կանխարգելման նորընտիր հանձնաժողովն այսօր առաջին նիստում նախագահ ընտրեց Հայկուհի Հարությունյանին: Վերջինս, հիշեցնենք, «Լուսավոր Հայաստան» խմբակցության կողմից էր առաջադրվել որպես Կոռուպցիայի կանխարգելման հանձնաժողովի անդամ:

Ուշագրավն այն է, որ բաց քվեարկության ժամանակ «Իմ քայլ»-ի ներկայացուցիչ Էդգար Շաթիրյանի օգտին ոչ ոք կողմ չքվեարկեց։

Ավելի վաղ ԱԺ  խմբակցությունների և կառավարության կողմից ներկայացված հինգ թեկնածուները խորհրդարանի կողմից ընտրվեցին փակ գաղտնի քվեարկությամբ: