Վերջին մեկ տարվա ընթացքում Ադրբեջանի ոչ մի քաղաքացի չի մեկնել Սիրիա պատերազմելու նպատակով։ Այդ մասին Թրենդ–ի փոխանցմամբ հայտարարել է Ադրբեջանի կրոնական կառույցների հետ աշխատանքի պետական կոմիտեի նախագահ Մուբարիզ Գուրբանլըն։ Նրա խոսքով, ԱԱԾ և այլ կառույցների վերլուծությունը ցույց է տալիս, որ ավելի քան մեկ տարի Ադրբեջանից չեն մեկնում Սիրիա`մարտերին մասնակցելու նպատակով։ Մինչդեռ նախկինում եղել են դեպքեր, երբ Ադրբեջանի քաղաքացիները մեկնել են Սիրիա։ Նրա խոսքով, մեկնածների զգալի մասը զոհվել է և իրենց հատուկ ծառայություններն աշխատանքներ են տարել նրանց Սիրիայից տարհանելու համար, սակայն դա անելը բավականին բարդ է, քանի որ Սիրիայի տարածքի զգալի մասը վերահսկվում է ԻՊ–ի կողմից։
