Թուրքիայում ազգայնական նոր կուսակցություն է ստեղծվել

Թուրքիայի «Ազգայնական շարժում» կուսակցությունից հեռացած Մերալ Աքշեներն իր նախկին կուսակիցների հետ ստեղծել է «Լավ» (iyi parti) անունով կուսակցություն։

Թուրքական T24 կայքի փոխանցմամբ՝ Թուրքիայում հոկտեմբերի 25-ին հայտարարվել է «Լավ» կուսակցության ստեղծման մասին։

Կուսակցության հիմնադիրն է Մերալ Աքշեները, ով մի խումբ կուսակիցների հետ դուրս էր եկել «Ազգայնական շարժում» կուսակցության շարքերից, երբ կուսակցության առաջնորդը հայտարարել էր Էրդողանին աջակցելու մասին։

Մերալ Աքշեները կուսակցության հիմնադրման առաջին օրը հայտարարել է, թե իրենք Թուրքիայում նոր խոսք են ասելու։ «Ես նախագահ եմ դառնալու»,-ասել է Մերալ Աքշեները։