Ըստ էության, Ազգային ժողովի բոլոր խմբակցությունները հայտնել են իրենց աջակցության մասին, ուրեմն մենք վաղը հանգստանում ենք, պատրաստվում ընտրություններին, ու դուք մի քանի օրից կտոնեք ձեր հաղթանակը, հաղթանա՛կ: Այսպես խոսեց ընդդիմության առաջնորդ, «Ելք» խմբակցության ղեկավար Նիկոլ Փաշինյանը՝ արձագանքելով ՀՀԿ-ի՝ «մայիսի 8-ին ՀՀ-ն կունենա նոր վարչապետ»-ի մասին հայտարարությանը: Այնուհետեւ նա շարունակեց. «Մայիսի 8-ին տեղի են ունենալու ԱԺ ընտրություններ: Եթե առաջին փուլում թեկնածուին առաջադրելու էին խմբակցությոնները, ապա այժմ պետք է առաջադրի ԱԺ-ի 1/3-րդը: Այսինքն՝ 35 պատգամավորի ստորագրությոին է պետք առաջադրման համար: Քիչ առաջ ես հանդիպեցի ԲՀԿ առաջնորդ Գագիկ Ծառուկյանի հետ, հետո հանդիպեցինք ՀՅԴ Արմեն Ռուստամյանի ետ, այնուհետ՝ ԵԼՔ-ի: Ըստ այդմ, ես վաղը ԱԺ պատգամավորների 1/3-րդի կողմից պաշտոնապես կառաջադրվեմ ՀՀ վարչապետի թեկնածու: Այսինքն, Ծառուկյան դաշինքը, ՀՅԴ-ն ու ԵԼՔ-ը կստորագրեն, որպեսզի ես դառբամ վարչապետ: Հաջորդը, այսօր տեղի է ունեցել ՀՀԿ խմբակցության նիստը, որի արդյունքում նրանք հայտարարել են, որ առաջիկա ընտրություններին կաջակցեն ժողովրդի թեկնածուին: Այսինքն՝ եթե հաշվի առնենք այսօրվա քաղաքական հայտարարությունները, վարչապետի ընտրությունների երկրորդ փուլում ձեր թեկնածուի ընտրության արցը գործնականում լուծված է: Բայց սրանք բանավոր հայտարարություններ են, անհրաժեշտ է վաղը ձեռք բերել բոլոր փաստաթղթերը», - նշեց Փաշինյանը: Այս պատճառով էլ նա առաջարկեց հետեւյալ սցենարը՝ վաղը «մենք ոչ Երեւանում, ոչ մարզերում ոչ մի ակցիա չենք իրականացնում, վաղը հանգստի օր է»: «Երեխեք ջան, վաղը գնում եք դասի, լավ սովորում ենք դասերը: Բայց հնարավոր է՝ վաղը ցանկացած ժամի անհրաժեշտ լինի հավաքվել: Եթե ամեն ինչ անցնի նորմալ, մենք հանգստանում ենք ու պատրաստվում վարչապետի ընտրություններին, բայց ամեն դեպքում այդ ընտրության օրը հավաքվում ենք ոչ թե 250, այլ 500 հազարով», - եզրափակեց նա: