Հանրային ռադիոն և հանրային հեռուստատեսությունը սպասակում է Սերժ Սարգսյանին: Հանրային հեռուստատեսությունն ու ընդհանրապես հեռուստատեսությունները ՀՀ քաղաքացիներին պահում են ինֆորմացիոն բլոկադայի մեջ, ինչպես հարիր է տոտալիտար երկրների հեռուստաընկերություններին: Այս մասին ՀՀ Հանրային ռադիոյի եթերային ստուդիայից, բայց ոչ Հանրային ռադիոյի եթերում հայտարարեց «Իմ քայլը» նախաձեռնության առաջնորդ Նիկոլ Փաշինյանը:Նշենք, որ նրան այդպես էլ հնարավորություն չտրվեց դիմել հանրությանը ուղիղ եթերում, այդ իսկ պատճառով նա օգտվեց իրեն ուղեկցող ԶԼՄ-ների ուղիղ եթերից: Նա բողոք արտահայտեց, որ Հանրային հեռուստատեսությունը, ինչպես նաև մյուս հեռուստաալիքները չեն հեռաձակում Սերժ Սարգսյանի վարչապետության դեմ մեկնարկած հանրահավաքներն ու բողոքի ակցիաները:Նիկոլ Փաշինյանի խնդրանքը` տրամադրել ուղիղ եթեր Հանրային ռադիոյի եթերում, մերժվեց: Ավելին` ռադիոյի ղեկավարությունն անջատեց ռադիոյի էլեկտրաէներգիան:«Հանրային ռադիոն երբեք չի համաձայնվել մեր հանրահավաքների իրազեկումը եթեր հրապարակել և նույնպիսի ստահոդ լրատվամիջոց է, ինչպես ՀՀ մյուս հեռուստաընկերություններն ու ռադիոները» ,- եթերային ռադիոն լքելով հայտարարեց Փաշինյանը` մեղադրելով ռադիոյին, որ այն նույնպես սպասարկում է իշխանությունների շահերը և հրաժարվում իրազեկել հանրությանը:Իր ուղերձի վերջում նա հրավիրեց հանրությանը Ազատության հրապարակ հանրահավաքի և պաշտպանել իրենց իրավունքը` թույլ չտալով Սերժ Սարգսյանի վարչապետ դառնալը: Այնուհետ նա դիմեց իր կողմնակիցներին` հրավիրելով բոլորին Հանրային ռադիոյի շենքից դուրս: Բարձրախոսով նա հայտարարեց, որ ներողություն է խնդրում ռադիոյի աշխատակիցներից այս ակցիայի համար և հրավիրեց բոլորին դուրս գալ շենքից, ինչից հետո ինքը կլքի շենքը, որպեսզի խուսափոի իր կողմնակիցների նկատմամբ ինչ-որ գործողություններ:
