Թուրքիայի կողմից ռուսական Ս-400 զենիթահրթիռային համակարգերի ձեռքբերումը Կրեմլին կարող է օգնել թուլացնել ՆԱՏՕ-ն: Այս մասին CNBC-ին տված հարցազրույցում ասել է ՆԱՏՕ-ում ԱՄՆ դեսպան Քեյ Բեյլի Հաթչիսոնը:Թուրքիայի պաշտոնական անձինք, ինչպես հաղորդվում է, պետք է մինչեւ այս շաբաթվա վերջ չեղարկեն Ս-400-երի գնումը եւ դրա փոխարեն գնեն ամերիկյան «Պատրիոտ» հրթիռները: Սակայն Թուրքիայի նախագահ Ռեջեփ Թայիփ Էրդողանը հայտարարել է, որ Անկարան չի հրաժարվի Ռուսաստանի հետ գործարքից:Հաթչիսոնի խոսքով՝ Ռուսաստանը կշարունակի հնարավորություններ փնտրել՝ ՆԱՏՕ-ն պառակտելու եւ թուլացնելու համար:«Դուք պետք է ընտրություն կատարեք: Դուք կարող եք ունենալ մեկը կամ մյուսը, սակայն ոչ երկուսը միասին»,- ասել է նա՝ կրկնելով, որ Թուրքիան Ս-400-երի գնման դեպքում կկորցնի ամերիկյան F-35 կործանիչներ գնելու հնարավորությունը:
