Օրերս ընդունել եմ ՀՀ-ում Եվրոպական Միության պատվիրակության ղեկավար, դեսպան Անդրեա Վիկտորինին։ Այս մասին Facebook-ի իր էջում գրել է ՊԵԿ նախագահ Ռուստամ Բադասյանը:Հանդիպմանը ներկայացրել եմ հարկային և մաքսային ոլորտներում ընթացող բարեփոխումներն ու դրանց իրականացմանն ուղղված ԵՄ տեխնիկական աջակցության ընթացիկ ծրագրերը։ Քննարկել ենք նաև Հայաստանում ԵՄ ֆինանսավորմամբ իրականացվող մյուս ծրագրերը, դրանց նկատմամբ հարկային ու մաքսային արտոնությունների կիրառման խնդիրները, ինչպես նաև ԵՄ աջակցության հնարավոր հետագա ուղղությունները:
