Գերմանիայի Հեսեն դաշնային հողի մայրաքաղաք Վիսբադենում հրաձգության հետևանքով 1 մարդ է զոհվել, երկուսը՝ վիրավորվել: Այդ մասին հայտնում է «ՌԻԱ Նովոստի»-ն՝ վկայակոչելով տեղի ոստիկանությանը: Նշվում է, որ կրակողը փախել է դեպքի վայրից, նրան որոնելու համար ոստիկանությունը կենտրոնացրել է լրացուցիչ ստորաբաժանումներ և ուղղաթիռ: Հանցագործի շարժառիթները դեռ հայտնի չեն: Հիշեցնենք, որ դեկտեմբերի 19-ի երեկոյան ծագումով պակիստանցի տղամարդը Scania բեռնատարով մխրճվել էր սուրբծննդյան տոնավաճառում հավաքված ամբոխի մեջ՝ խլելով 12 մարդու կյանք: Գերմանիայի կանցլեր Անգելա Մերկելը հանդես է եկել հայտարարությամբ, որում նշել է, որ երեկ երեկոյան Բեռլինի կենտրոնում սուրբծննդյան տոնավաճառում տեղի ունեցածն ահաբեկչություն է:
