Սերբիան երբեք չի դառնա ՆԱՏՕ–ի անդամ

Սերբիան երբեք չի դառնա Հյուսիսատլանտյան դաշինքի անդամ: Այս մասին հայտարարել է Սերբիայի վարչապետ Ալեքսանդր Վուչիչը՝ ելույթ ունենալով ՆԱՏՕ-ի ուժերի կողմից Հարավսլավիայի ռմբակոծության մեկնարկի 18-րդ տարելիցին նվիրված սգո արարողության ժամանակ, փոխանցում է ՏԱՍՍ-ը:

Սերբ զինվորականներն առաջին անգամ կմասնակցեն ՀԱՊԿ–ի զորավարժություններին, փոխանցում է «Вечерние новости» թերթը։

«Нерушимое братство — 2017» զորավարժություններին, որոնք կանցնեն սեպտեմբերին Ղազախստանում, Բելգրադը պատրաստվում է ուղարկել ինժեներական ստորաբաժանում և ոստիկանություն։

Փորձագետները կարծում են, որ Սերբիայի մասնակցությունը ՀԱՊԿ–ի զորավարժություններին կարող է առաջացնել Արևմուտքի խիստ գնահատականը, մասնավորապես` ՆԱՏՕ–ի։

ՀԱՊԿ–ում սերբական Սկուպշինայի ներկայացուցիչ Միլովան Դրեցունը հայտարարել է, որ չպետք է սպասել քաղաքական հետևանքների Բելգրադի համար այդ մասնակցության պատճառով։

Ըստ նրա, իրենք զարգացնում են համագործակցությունը թե ՆԱՏՕ–ի հետ, թե հետաքրքրություն ունեն դեպի ՌԴ–ը և ՀԱՊԿ–ն։