Պենտագոնը մեծ հեռահարության թնդանոթ է մշակում, որը կկարողանա հարվածներ հասցնել մինչեւ հազար մղոն (1600 կիլոմետր) տարածության վրա, հայտնել է The Washington Times թերթը: Նոր հրանոթի փորձարկումները կսկսվեն մինչեւ 2023 թվականը: Հրատարակության տվյալներով՝ ամերիկացի զինվորականներն այժմ հատուկ ուշադրություն են հատկացնում «աննախադեպ հեռահարությամբ» նման զենքի մշակմանը: «Թնդանոթը, որը զինվորականները հույս ունեն փորձարկել մինչեւ 2023 թվականը, տեղավորվում է աշխարհում հնարավոր հակամարտություններում հեռահար դիպուկ հրաձգության համակարգերի տեղակայման Պենտագոնի ջանքերի շրջանակում»,-նշվում է հոդվածում: