Ադրբեջանը Թուրքիայի ռազմավարական դաշնակիցն է և երկրները զարգացնում են ռազմական կապերը: Ադրբեջանը ձգտում է հասնել ՆԱՏՕ-ի չափանիշներին և Թուրքիան, որպես ՆԱՏՕ-ի անդամ փորձում է իր փորձը փոխանցել Ադրբեջանին: Այդ մասին հայտարարել է Ադրբեջանում Թուրքիայի դեսպան Իսմայիլ Ալպեր Ջոշգունը: Դեսպանը նշել է, որ Թուրքիայի նպատակն է զարգացնել հարաբերություններ Ադրբեջանի, ինչպես նաև մյուս եղբայրական երկրների հետ, փոխանցում է Trend-ը: Նրա խոսքով, տարվա առաջին կեսին Թուրքիայի էնոնոմիկայի նախարարի Բաքու այցի ընթացում քննարկվել են երկկողմ հարաբերությունների կարևոր հարցեր: Քննարկվել է նաև այլ երկրներում համատեղ ներդրումների հարցը: Ըստ նրա, Բաքվի և Անկարայի միջև հարաբերությունների ամրապնդմանը զուգահեռ, կողմերը ամրապդնում են կապերը Վրաստանի, Իրանի և Թուրքմենստանի հետ: Անդրադառնալով նոյեմբերի մեկին կայանալիք Ադրբեջանի խորհրդարանական ընտրություններին՝ դեսպանը նշել է, որ անկախ ընտրությունների արդյունքից, Թուրքիայի և Ադրբեջանի հարաբերությունները չեն փոխվի:
