Թուրքիայում այլախոհների դեմ բռնության ներկայիս ալիքը Եվրոպայի, այդ թվում՝ Գերմանիայի համար ստուգում է, կարծում է թուրքական ընդդիմադիր Cumhurriyet թերթի նախկին գլխավոր խմբագիր Ջան Դյունդարը: Նա կարծում է, որ Եվրոպան եւ Գերմանիան պետք է որոշեն, թե որ կողմում են գտնվում՝ ժողովրդավարության, թե հալածանքների, փոխանցում է DW-ն: «Ուզում են արդյոք նրանք Մերձավոր Արեւելքում ի դեմս Թուրքիայի տեսնել հալածող ռեժիմի, թե ժողովրդավարական պետության, աշխարհիկ եւ ազատ երկրի: Սա Գերմանիայի եւ ամբողջ Եվրոպայի համար լակմուսի թերթ է»,- ասել է նախկին գլխավոր խմբագիրը: «Ավելի լավ է՝ իշխանությունները միանգամից ասեն՝ մենք չենք ուզում ոչ մի այլախոհ ձայն լսել եւ անգամ հանդուրժել ամենաթույլ ընդդիմությանը: Դա ճշմարտություն կլիներ»,- ասել է Ջան Դյունդարը: Հոկտեմբերի 31-ի առավոտյան Թուրքիայի իշխանությունները ձերբակալել էին Cumhurriyet թերթի ղեկավարությանն ու լրագրողներին:
