Թուրքիայի էկոնոմիկայի նախարար Նիխաթ Զեյբեքչին հանդես է եկել սկանդալային հայտարարությամբ, որի առանցքում հուլիսին երկրում տեղի ունեցած հեղաշրջման փորձն էր: Հասարակական սեկտորի ներկայացուցիչների և գործարարների հետ հանդիպման ժամանակ նա ասել է, որ հեղաշրջման փորձը նպատակ ուներ երկիրը բաժանել երկու ճամբարների միջև: «Հեղաշրջման փորձի հեղինակները ցանկանում էին կյանքի կոչել 100 տարի առաջ գծագրած քարտեզը»,- ասել է նա: Ճշտող հարցին, թե ո՞ր ճամբարների մասին էխոսքը, թուրք նախարարը պարզաբանել է, թե նկատի ունի Հայաստանն ու Քրդստանը:
