ՌԴ անասնաբուժական և բուսասանիտարական վերահսկողության հարցերով «Ռոսսելխոզնադզոր» դաշնային ծառայության մասնագետները Սանկտ Պետերբուրգի «Պուլկովո» օդանավակայանի բեռների տերմինալում առգրավել են Հայաստանից ուղարկված 250 կգ ելակ: Forpost-sz.ru-ի հաղորդմամբ, ստուգման ընթացքում ելակի խմբաքանակի մեջ հայտնաբերվել են վնասատուներ, որոնք իրենց մորֆոլոգիական հատկանիշներով նման էին ծաղկային թրիպսի, ինչը հաստատվել է լաբորատոր հետազոտությամբ: Որոշում է կայացվել ապրանքատեսակը հետ ուղարկել Հայաստան։
