Վրաստանի վարչապետ Գիորգի Կվիրիկաշվիլին այսօր, մարտի 12-ին պաշտոնական այցով մեկնում է Ադրբեջան։ Վրաստանյան լրատվամիջոցների հաղորդմամբ, պատվիրակության կազմում են առաջին փոխվարչապետը, էկոնոմիկայի և կայուն զարգացման նախարարը, փոխվարչապետը, արտաքին գործերի նախարարը, ֆինանսների նախարարը, խորհրդարանի փոխխոսնակը, Ադրբեջանի հետ բարեկամության խորհրդարանական խմբի նախագահը և արտաքին հարաբերությունների հարցերով վարչապետի խորհրդականը։ Նշվում է, որ Բաքվում Կվիրիկաշվիլին հանդիպում է ունենալու Ադրբեջանի վարչապետ Արթուր Ռասիզադեի հետ, անցկացվելու են ընդլայնված կազմով բանակցություններ։ Վրաստանի վարչապետի գլխավորած պատվիրակությունը պաշտոնական այցով Երևանում էր մարտի 2-ին։ Հիշեցնենք, որ օրեր առաջ Վրաստանի վարչապետը ժամանել էր Հայաստան եւ հանդիպել ՀՀ քաղաքական ղեկավարությա հետ։
