Ադրբեջանի նախագահ Իլհամ Ալիևը մայիս-հունիս ամիսներին կայցելի Բելառուս: ԱՊԱ-ի հաղորդմամբ, այս մասին հայտարարել է Ադրբեջանում Բելառուսի դեսպան Գենադի Ախրամովիչը: Դեսպանը նշել է, որ այցի շրջանակներում ծրագրվում է 7-10 պաշտոնական փաստաթղթերի ստորագրում, որոնք առնչվում են տարբեր ոլորտների: Այցի ժամկետները ճշգրտվում են դիվանագիտական խողովակներով: Նշենք, որ նման հայտարարությունը երրորդ երկրի դեսպանի շուրթերից, մեղմ ասած, զարմանք է առաջացնում, քանի որ հայտնի է, որ ապրիլին Ադրբեջանում կայանալու են արտահերթ նախագահական ընտրություններ: Նման մակարդակում արված հայտարարությունը վկայում է, որ Բելառուսում այլ տարբերակ, քան այն, որ Իլամ Ալիեւը կպահպանի իշխանությունը, չի դիտարկվում... կամ դեսպանը պարզապես զբաղված է քաղաքական գուշակություններով:
