Վիեննայում Իրանի միջուկային ծրագրի շուրջ ստորագրված համաձայնագիրը մեծ հնարավորություններ են բացում Սիրիայում և Եմենում ճգնաժամերի կարգավորման համար: Այդ մասին հայտարարել է Իրանի նախագահ Հասան Ռուհանին, փոխանցում է France Presse-ը: Նրա խոսքով, Սիրիայում և Եմենում հակամարտության կարգավորումը քաղաքական գործընթաց է, որին նպաստելու են Թեհրանի և վեցնյակ միջնորդների միջև ձեռք բերված համաձայնագիրը: Ռուհանին վստահություն է հայտնել, որ Վիեննայում բանակցությունների հաջողությունը թույլ կտա լիցքաթափել իրավիճակը տարածաշրջանում և ստեղծել որակապես այլ միջավայր: Նա հավելել է, որ վեցնյակի հետ բանակցությունները բարդ էին, սակայն նրանք ցուցադրեցին, որ ամենադժվար, ճգնաժամային իրավիճակները կարելի է հանգուցալուծել դիվանագիտության և համատեղ աշխատանքի շնորհիվ:
