Կառուցենք մեր ամուր տուն - Հայրենիքը, որը կանգուն կլինի ցանկացած արհավիրքի առջև. նախագահ

ՀՀ նախագահ Արմեն Սարգսյանը 1988 թ. երկրաշարժի 33-րդ տարելիցի կապակցությամբ ուղերձ է հղել: Ինչպես հայտնում են նախագահի աշխատակազմից, ուղերձում, մասնավորապես, ասված է.

«Այսօր ոգեկոչում ենք 1988 թ. դեկտեմբերյան աղետի՝ երկրաշարժի զոհերի հիշատակը:

Մխիթարանքի և զորակցության խոսքերս եմ հղում իմ բոլոր այն հայրենակիցներին, ովքեր աղետալի երկրաշարժի հետևանքով կորցրել են իրենց հարազատներին ու մերձավորներին, ընտանիք ու տուն:

Ի հիշատակ զոհված մեր հայրենակիցների՝ կարող ենք և պե՛տք է համախմբված և միասնաբար, ամենօրյա աշխատանքով ու նվիրումով, հույսով ու հավատով կառուցենք մեր ամուր տուն-Հայրենիքը, որը կանգուն կլինի ցանկացած արհավիրքի առջև»: