Գորիս-Կապան մայրուղու հայկական մաքսակետերը կեղծ բնույթ են կրում. Վահե Հակոբյան

Ընդդիմությունը Գորիս-Կապան մայրուղում մաքսակետերի տեղադրումը կապում է Հայաստանի ապագա սահմանների գործող իշխանության տեսլականով։


Անդրադառնալով ՊԵԿ-ի ղեկավարների այն հայտարարությանը, թե մաքսավորներն արդեն տեղադրված են նշված մայրուղու վրա, «Հայաստան» խմբակցության անդամ, տնտեսական հարցերի հանձնաժողովի նախագահ Վահե Հակոբյանը նշել է. «Ես վստահ եմ, որ այնտեղ մաքսային ծառայության ներկայացուցիչների տեղակայումը ֆիկտիվ բնույթ է կրելու»:


Լրագրողների այն հարցին, թե որքան կարող է արժենալ մաքսակետի հագեցումը, նա ասել է՝ նրանք կարող են այնտեղ կրպակ տեղադրել 150 հազար դրամով, իսկ կարող են շենքը կառուցել 150 մլն դրամով։ «Ես պատկերացում չունեմ, թե կոնկրետ ինչ են անելու», - հայտնել է Հակոբյանը։


Նա ենթադրել է, որ իշխանությունները մաքսակետեր են տեղադրում այնտեղ, որտեղ իրենց պատկերացմամբ սահմանը կանցնի։ Սակայն սահմանի նման դասավորությունը բացասաբար կանդրադառնա հայկական կողմի վրա։ Հակոբյանը նկատել է, որ ադրբեջանական կողմն արդեն իր վերահսկողության տակ գտնվող հատվածում լիցքավորման կայան է կառուցում, եւ եթե հայկական կողմը չսահմանափակի Իրանից Հայաստան ուղեւորվող բեռների համար այդ տեղամասի օգտագործման հնարավորությունները, իրանցի վարորդները նախապատվությունը կտան այդ ճանապարհին ոչ միայն հարմարավետության, այլեւ Հայաստանում ավելի ցածր գնով լիցքավորելու հնարավորության պատճառով:


Մաքսատուրքերը, որոնք կվճարեն իրանցի վարորդները, ի վերջո, կանդրադառնան գների վրա, այսինքն՝ դրանք, ըստ էության, կվճարի հայ սպառողը։


Ընդդիմադիրը վստահ է, որ այդ խնդիրը հնարավոր կլիներ լուծել, եթե իշխանության ղեկին լինեին մարդիկ, ովքեր իրականում պաշտպանում էին ազգային շահերը։ Միայն նման իշխանությունը, կարծում է Հակոբյանը, կարող է բանակցությունները տեղափոխել ավելի առողջ Հուն և ապահովել ճանապարհների ազատագրումը ադրբեջանական կողմի վերահսկողությունից։


 

Տպել

Թեմայի այլ նորություններ
Загрузка...