Զինված հարձակում Երևանում. Մեկ ոստիկան զոհվել է, երկուսը՝ վիրավորվել. ԱԱԾ հայտարարությունը (տեսանյութ)

Սպանվել է ոստիկանության գնդապետ Արթուր Վանոյանը (տեսանյութ)

17.07.2016

Այսօր ոստիկանության Պարեկապահակային ծառայության գնդի վրա հարձակման ընթացքում սպանվել է գնդապետ Արթուր Վանոյանը, հրազենային վնասվածքներ են ստացել ոստիկանության գնդապետ Արամ Հովհաննիսյանը, փոխգնդապետ Հրաչ Խոստեղյանը, ենթասպա Գագիկ Մկրտչյանը, ևս մի քանի հոգի այլ մարմնական վնասվածքներ են ստացել:

Այս մասին լրագրողներին փոխանցեց Ոստիկանության պետի տեղակալ Հունան Պողոսյանը: Նրա խոսքով, այսօր մի խումբ անձինք, զինված ինքնաձիգներով և ատրճանակներով հարձակում են գործել ՀՀ ոստիկանության Պարեկապահակային ծառայության գնդի վրա, մուտք են գործել տարածք և այնտեղ բռնությամբ պահում են պատանդների: Պատանդները ոստիկանության ծառայողներ են: