ՀՀ քաղաքացիների մուտքն Իտալիա խստացվել է

Կորոնավիրուսի համավարակով պայմանավորված Իտալիան թույլ չի տա Հայաստանի քաղաքացիներին զբոսաշրջային նպատակով մուտք գործել երկիր: Այս մասին տեղեանում ենք Schengen Visa Infօ-ից:

Մի շարք երկրներ, այդ թվում և Հայաստանը, հեռացվել են D ցուցակից, որոնք նշված երկրների քաղաքացիներին թույլատրում էին այցելել Իտալիա:

Ներկայումս Հայաստանը, Ալբանիան, Ադրբեջանը, Բոսնիա և Հերցեգովինան, Բրունեյը, Լիբանանը, Մոլդովան, Մոնտենեգրոն, Հյուսիսային Մակեդոնիան, Սերբիան, Թայվանը, Հոնկոնգը, Մակաոն և այլ երկրներ ներառվել են E ցուցակում, որը նշանակում է, որ այդ երկրների քաղաքացիներին կթույլատրվի Իտալիա մուտք գործել միայն խիստ կարևոր նպատակներով: