29.03.2024
Իմ երազանքն է Հայաստանը դարձնել աշխարհում արհեստական բանականության լավագույն վայրերից մեկը
prev Նախորդ նորություն

Նորություններ գործընկերներից

Կառավարությունը 10 մլն դոլար հատկացրեց ազգային ավիաընկերություն ստեղծելու նպատակով

Կառավարության հոկտեմբերի 14-ի նիստում ընդունած որոշմամբ Հայաստանում ազգային ավիաընկերություն ստեղծելու նպատակով գործադիրը 4,7 մլրդ դրամ (10 մլն դոլար) կներդնի։


Կառավարությունն այսպիսով հավանություն տվեց «Հայաստանի պետական հետաքրքրությունների ֆոնդ» ընկերության կանոնադրական կապիտալում նորաստեղծ ավիաընկերության բաժնետոմսերի դիմաց վճարման նպատակով 4,7 մլրդ դրամ ներդնելու նախագծին։


Նախագծի հինավորման մեջ նշվում է, որ 2021 թվականի հուլիսի 14-ին «Հայաստանի պետական հետաքրքրությունների ֆոնդ» ընկերության և Էյր Արաբիա (Air Arabia) ընկերությանն ամբողջությամբ պատկանող ընկերության միջև կնքվել է պայմանագիր, որով կողմերը պարտավորվել են Հայաստանում ստեղծել ազգային ավիաընկերություն:


«Այս ընկերությունում բաժնեմասնակցության համար «Հայաստանի պետական հետաքրքրությունների ֆոնդը» պարտավորվել է բաժնետոմսերի դիմաց վճարել 4,7 մլրդ դրամ, իսկ Էյր Արաբիա ընկերությանը պատկանող ընկերությունը նույնպես ներդրումն իրականացնելու է իր բաժնեմասնակցության համապատասխան դրամական միջոցներով»,- ասված է նախագծի հիմնավորման մեջ։


Միևնույն ժամանակ ստեղծվող ազգային ավիաընկերությունը, ինչպես նշեց վարչապետ Նիկոլ Փաշինյանը, ոչ մի արտոնություն չի ունենալու և գործելու է մրցակցային հավասար դաշտում։


«Կառավարությունը և Էյր Արաբիա ընկերությունը ներդնում են յուրաքանչյուրը 10 մլն դոլար։ Էյր Արաբիան ունի ավիաընկերություն ստեղծելու և զարգացնելու փորձառություն։ Այս փորձառության բերումով է, որ մենք այսպիսի գործընկերությունը կարևոր ենք համարում։ Մենք այս համատեղ ներդրմամբ հրավիրում ենք Էյր Արաբիա ընկերությանը, որպեսզի նա մեզ հետ համատեղ հիմնադրի և կառավարի ավիաընկերություն, որը կկոչվի ARNA»,- ասաց նա՝ հավելելով, որ ավիաընկերության կառավարումն իրականացնելու է Էյր Արաբիան։


Վարչապետը նաև տեղյակ է, որ պրոցեսի հետ կապված կան որոշակի կասկածներ, մտավախություններ՝ հաշվի առնելով տարիներ առաջ սննկացած «Արմավիա» ընկերության փորձը:


«Մանավանդ, հաշվի առնելով, որ «մենք այս ոլորտում ունենք, մեղմ ասած, տհաճ հիշողություններ, բայց կարծում եմ, որ մենք պետք է այս ճանապարհով գնանք՝ գիտակցելով, որ այստեղ ունենք որոշակի ռիսկեր։ Բայց կարծում ենք, որ ստեղծել ենք բավարար պայմաններ, որպեսզի այդ ռիսկերը լինեն կառավարելի»,- նշեց վարչապետը:


Փաշինյանը նաև տեղեկացրեց, որ ավիաընկերությունը պետք է կանոնավոր չվերթներ իրականացնի արդեն 2022-ի գարնանը: «Պետք ամեն ինչ անենք, որպեսզի այս հանձնառությունը իրականացվի»,- եզրափակեց նա։


 


 


 

Բաքուն օկուպացրել է 2000 հուշարձան, 122 եկեղեցի, 13 վանական համալիր. նախարար
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար