Իրանի ԱԳ նախարարը մոտ ժամանակներս կայցելի Հայաստան և Ադրբեջան

Իրանի արտաքին գործերի նախարար Հոսեյն Ամիր Աբդոլլահիյանն առաջիկայում կայցելի Հայաստան եւ Ադրբեջան: Այս մասին հայտնում է «Mehrnews» գործակալությունը։

Նախարարը հայտարարել է, որ «Իրանի նոր կառավարության արտաքին քաղաքականության առաջնահերթություններից մեկն է ուշադրության կենտրոնում պահել իր, այդ թվում հյուսիսային հարեւաններին»

«Ադրբեջանն ու Հայաստանն Իրանի Իսլամական Հանրապետության երկու լավ հարևաններն են, ուստի մենք չենք կարող միմյանց դեմ աշխատել։ Իրանի արտաքին քաղաքականությունը հավասարակշռված արտաքին քաղաքականություն է, ուստի, ըստ Իրանի ընդհանուր շահերի Ադրբեջանի և Հայաստանի հետ, մենք կարգավորում ենք հարաբերությունները երկու երկրների հետ», - ասաց նա՝ հավելելով, որ պատրաստվում է հարմար ժամանակ այցելել Հայաստան և Ադրբեջան։