ԵԱՏՄ-ն եւ Եգիպտոսը մտադիր են լիարժեք բանակցություններ վարել ազատ առեւտրի շուրջ

Եվրասիական տնտեսական հանձնաժողովի առևտրի նախարար Անդրեյ Սլեպնևը հանդիպում է ունեցել Ռուսաստանի Դաշնությունում Եգիպտոսի Արաբական Հանրապետության արտակարգ և լիազոր դեսպան Իհաբ Նասրի հետ, ով ավարտում է իր լիազորությունները այդ պաշտոնում, և շնորհակալություն է հայտնել իր գործընկերոջը՝ ազատ առևտրի համաձայնագրի շուրջ աշխատանքներն աջակցելու համար:

«Այսօր կողմերն ակտիվորեն աշխատում են և նոյեմբեր-դեկտեմբերին մտադիր են բանակցությունների լիարժեք փուլ անցկացնել։ Մենք տեսնում ենք առանցքային պայմանավորվածությունների ամբողջ համալիրի քննարկման հնարավորությունը», - նշել է Անդրեյ Սլեպնյովը, հայտնում է ԵՏՀ մամուլի ծառայությունը։

Այդ կապակցությամբ ԵՏՀ առևտրի նախարարն ընդգծել է Եվրասիական տնտեսական միության երկրների և Եգիպտոսի տնտեսությունների կոմպլիմենտարությունը։ Դա թույլ կտա արագացնել փոխընդունելի լուծումներ գտնելու գործընթացը։ Անդրեյ Սլեպնյովը նաեւ հիշեցրել է, որ Եգիպտոսը աֆրիկյան մայրցամաքի դարպասն է: Այդ իսկ պատճառով նա գործընկերներին կոչ է արել գործնականում իրականացնել համապատասխան հնարավորությունները։

«Կարող եմ ավելացնել, որ Եգիպտոսը դարպաս է ոչ միայն աֆրիկյան մայրցամաք, այլ նաև Արաբական շուկաներ և հանդիպակաց Եվրոպական միության երկրների շուկաներ։ Կարծում եմ, որ համագործակցությունն ու փոխգործակցությունը թույլ կտան ապագա համաձայնագրի մասնակից բոլոր վեց երկրների տնտեսություններին ավելի դինամիկ և արագ զարգանալ»,-եզրափակել է Իհաբ Նասրը:

Վերջում ԵՏՀ առևտրի նախարարը դեսպանին մաղթել է հետագա կարիերայի հաջողություններ և հույս հայտնել, որ եգիպտական կողմի հետ արդյունավետ համագործակցությունը կշարունակվի միջազգային առևտրային օրակարգի այնպիսի արդիական հարցերի շուրջ, ինչպիսիք են, օրինակ, անցումը ցածր ածխածնային տեխնոլոգիաների:

Տեղեկանք

Եգիպտոսի հետ առեւտուրը 2021 թվականի առաջին կիսամյակում նախորդ տարվա նույն ժամանակահատվածի համեմատ աճել է 32,5 տոկոսով: Մասնավորապես, ԵԱՏՄ անդամ պետությունների արտահանումը Եգիպտոս այդ ժամանակահատվածում աճել է գրեթե 40 տոկոսով (1,4-ից մինչեւ 1,95 մլրդ դոլար), ներմուծումը Եգիպտոսից ԵԱՏՄ աճել է 11% - ով (437-ից 489 մլն ԱՄՆ դոլար):