ԲՀԿ-ն հրաժարվեց Գյումրիի համար պայքարից

«Բարգավաճ Հայաստան» կուսակցությունը չի մասնակցի հոկտեմբերի 17-ին անցկացվող ՏԻՄ ընտրություններին։ Այս մասին VERELQ-ի հետ զրույցում ասաց ԲՀԿ փոխնախագահ Շաքե Իսայանը։

Այսպիսով նա հերքեց մամուլում առկա այն տեղեկատվությունը, թե կուսակցությունը որոշում ունի մասնակցելու առաջիկ ընտրություններին.

"ԲՀԿ խորհրդի նիստում է նման որոշում կայացվել: Որոշումը ոչ միայն Գյումրիին է վերաբերում, այլ նաև մյուս 8 համայնքներին",- ասաց նա:

Իսայանն ավելացրեց, որ մինչև տարեվերջ կայանալիք մյուս ՏԻՄ ընտրություններին մասնակցության մասով հավելյալ կտեղեկացվի:

VERELQ-ը հիշեցնում է, որ հոկտեմբերի 17-ին, բացի Գյումրիից, ՏԻՄ ընտրություններ են անցկացվելու նաև Դիլիջանում, Գորիսում, Մեղրիում, Տաթևում, Տեղում։