29.03.2024
Նախագահը պարգևատրել է մի շարք պայմանագրային զինծառայողների
prev Նախորդ նորություն

Նորություններ գործընկերներից

Սա քաղաքական հետապնդում է, քաղաքական ռեպրեսիա, քաղաքական տեռոր. Վահե Հակոբյան

«Հայաստան» դաշինքը դաշինքի մաս կազմող՝ Սյունիքի որոշ համայնքապետերերի նկատմամբ քրեական հետապնդումներում քաղաքական ենթատեքստ է տեսնում: «Արմենպրես»-ի հաղորդմամբ՝ այս մասին ասացին դաշինքի առաջնորդները հուլիսի 13-ի ասուլիսում:


«Այսօր հետապնդվում են «Վերածնվող Հայաստան» կուսակցության խորհրդի անդամները, որոնք մաս են կազմում «Հայաստան» դաշինքի, նույն իրենք՝ Սյունիքի համայնքի ղեկավարները»,-ասաց «Հայաստան» դաշինքի անդամ, «Վերածնվող Հայաստան» կուսակցության ղեկավար Վահե Հակոբյանը:


Նա հիշեցրեց, որ դատարանը Մեղրիի նախկին ղեկավար Մխիթար Զաքարյանին 2 ամսով կալանավորելու որոշում է կայացրել, մինչև այդ կալանավորվել էր Քաջարանի համայնքապետ Մանվել Փարամազյանը: Հակոբյանի խոսքով՝ արդեն միջնորդություն է ներկայացվել ԿԸՀ՝ դաշինքի ցուցակի անդամ, Սիսիանի քաղաքապետ Արթուր Սարգսյանի նկատմամբ քրեական հետապնդում հարուցելու և կալանավորումը որպես խափանման միջոց ընտրելու համաձայնություն տալու մասին:


Հակոբյանը հիշեցրեց, որ Գորիս համայնքի ղեկավար Առուշ Առուշանյանի նկատմամբ ևս իրականացվում է քրեական հետապնդում:


Նա հարց առաջ քաշեց՝ ինչու՞ ընտրություններից հետո: «Մեր գնահատմամբ՝ սա քաղաքական հետապնդում է, քաղաքական ռեպրեսիա, քաղաքական տեռոր»,-ասաց Հակոբյանը:


Դաշինքի անդամ, ՀՅԴ ԳՄ ներկայացուցիչ Իշխան Սաղաթելյանը նշեց, թե այդ ամենն իրենք կապում են, իր խոսքով, առաջիկայում Հայաստանին սպասվող ցավոտ լուծումների հետ: «Քաղաքական հետապնդումները շարունակվում են, և մենք բոլոր հնարավոր միջոցներով պայքարելու ենք այս ամենի դեմ, որպեսզի թույլ չտանք կոտրել մեր ժողովրդի դիմադրողականությունը և ապօրինի մեղադրանքներով մեկուսացնել մեր համակիրներին»,-ասաց Սաղաթելյանը:

ՊԵԿ-ը խոչընդոտում է պղնձի խտանյութի և ֆերրոմոլիբդենի արտահանումները. ԶՊՄԿ
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար