Հայաստանն ու Արցախը պայծառ ապագա կունենան, բայց առանց Փաշինյանի և նրա թիմի. Գորգիսյան

Ընտրություններից հետո Հայաստանում կձևավորվի նոր իշխանություն, որը կապահովի Արցախի վերաբերյալ եռակողմ հայտարարության բոլոր կետերի կատարումը, որոնք բխում են հայկական կողմի շահերից։ Այս մասին այսօր՝ ապրիլի 20-ին, ԱԺ ճեպազրույցների ժամանակ հայտարարեց «Լուսավոր Հայաստան» խմբակցության քարտուղար Գեւորգ Գորգիսյանը։

Մեկնաբանելով թուրքական կողմի հայտարարությունը Սյունիքով երկաթգծի կառուցման մեկնարկի մասին՝ Գորգիսյանը նշել է, որ 2020թ.նոյեմբերի 10-ին Արցախի վերաբերյալ եռակողմ հայտարարությունը ենթադրում է հաղորդակցության ապաշրջափակում։ Փաստաթղթում նշվում է նաեւ նոր կոմունիկացիաների կառուցման եւ եղած գծերի վերանորոգման հարցը, հավելել է նա:

«Անհրաժեշտ է հասկանալ հաղորդակցության ապաշրջափակման եւ միջանցքի տրամադրման միջեւ տարբերությունը։ Կա միջանցք Լաչինի միջով, դա տարածք է, որը մեր վերահսկողության տակ է, մեզ է պատկանում։ Ինչ-որ տարածք Մեղրիով Ադրբեջանին կամ Թուրքիային չի տրվելու, մենք Հայաստանի տարածքը չենք զիջելու այլ պետության», - հայտարարել է նա։

Պատգամավորը վստահ է, որ ընտրությունների արդյունքում Հայաստանում կձևավորվի նոր իշխանություն, որը կապահովի, որ որևէ քայլ չձեռնարկվի, որը ենթադրում է ավելին, քան նշվում է եռակողմ փաստաթղթում: Գորգիսյանը վստահ է, որ Հայաստանն ու Արցախը պայծառ ապագա կունենան, բայց առանց Նիկոլ Փաշինյանի և նրա թիմի: