Չինաստանը և Ռուսաստանը կկատարելագործեն գործընկերային հարաբերություններն ու ռազմավարական փոխգործակցությունը, որոնք նպաստում են գլոբալ խաղաղության պահպանմանը և միմյանց շահերի պաշտպանությանը, հայտարարել է Չինաստանի արտաքին գործերի նախարար Վան Ին, հաղորդում է «Ինտերֆաքսը»:
«Մենք կկառուցենք ռազմավարական փոխվստահության մոդել, ամուր կաջակցենք միմյանց արմատական շահերի պաշտպանման հարցում, կմիավորենք ջանքերը «գունավոր հեղափոխությունների» դեմ, կպայքարենք կեղծ տեղեկատվության բոլոր տեսակների դեմ, կպահպանենք մեր ինքնիշխանությունն ու քաղաքական անվտանգությունը», - ասել է նա Ժողովրդական ներկայացուցիչների համաչինական ժողովի (NPC) ընթացող նստաշրջանի շրջանակներում կայացած մամուլի ասուլիսում:
Նա նշել է, որ Չինաստանը եւ Ռուսաստանը «կողք կողքի» համագործակցում են կորոնավիրուսի համաճարակի դեմ պայքարի ոլորտում եւ պատրաստ են «միասին աշխատել» քաղաքական վիրուսի"դեմ միասին պայքարելու համար:
«Չինաստանը եւ Ռուսաստանը միշտ եղել են խաղաղության եւ կայունության հենարանը ողջ աշխարհում», - ընդգծել Է Վան ին: - Նա հավելել է, որ «որքան ավելի անկայուն եւ անհանգիստ է աշխարհը, այնքան ավելի վճռական կդառնա Չինաստանի եւ Ռուսաստանի համագործակցությունը: Սա ոչ միայն պատմության փորձ է, այլև ժամանակի պահանջ»։
Նախարարը նշել է, որ այս տարի լրանում է Չինաստանի եւ Ռուսաստանի միջեւ բարիդրացիության, բարեկամության եւ համագործակցության մասին պայմանագրի ստորագրման 20-ամյակը: Կողմերը պայմանավորվել են երկարաձգել պայմանագիրը, ինչը «կարեւոր հանգրվան կդառնա չին-ռուսական հարաբերություններում եւ նոր մեկնարկային կետ»:
Վան Ին նաեւ նշել է, որ ԱՄՆ-ի միջամտությունն իր ներքին գործերին անթույլատրելի է, նման քաղաքականությունը հակասում է միջազգային հարաբերությունների հիմնական նորմերին: Նրա խոսքով՝ ԱՄՆ-ի եւ Չինաստանի՝ տարբեր սոցիալական համակարգեր ունեցող երկրների միջեւ «անխուսափելիորեն տարբերություններ եւ հակասություններ կան»: Գլխավորը, նրա խոսքով, «արդյունավետ վերահսկել դրանք ազնիվ շփման միջոցով, կանխել ռազմավարական սխալներն ու խուսափել հակամարտություններից»:
Չինաստանը եւ ԱՄՆ-ը աշխարհի երկու առաջատար տնտեսություններ են, նրանց միջեւ մրցակցությունը բնական է, բայց դա չպետք է խոչընդոտ դառնա արդարության եւ ընդհանուր շահերի հիման վրա համագործակցության զարգացման համար, ընդգծել է նախարարը:
«Մենք պատրաստ ենք բացեիբաց ուսումնասիրել և խորացնել համագործակցությունը Միացյալ Նահանգների հետ, այդ թվում՝ համաճարակի դեմ պայքարը, տնտեսության վերականգնումը, կլիմայի փոփոխությունը և այլն ։ Մենք հույս ունենք, որ Միացյալ Նահանգները եւ Չինաստանը միմյանց ընդառաջ կընթանան, որքան հնարավոր է շուտ կհանի չին-ամերիկյան համագործակցության վրա դրված չհիմնավորված սահմանափակումները եւ արհեստականորեն նոր խոչընդոտներ չեն ստեղծի», - ընդգծել է ՉԺՀ-ի ԱԳ նախարարը:
