Մասիս Մայիլյանը վերանշանակվեց Արցախի ԱԳ նախարարի պաշտոնում

Մասիս Մայիլյանը վերանշանակվել է Արցախի արտաքին գործերի նախարարի պաշտոնում: Այս մասին Facebook-ի ուղիղ եթերում մայիսի 29-ին հայտարարեց ԱՀ նորընտիր նախագահ Արայիկ Հարությունյանը:

«Հաշվի առնելով ստեղծված իրավիճակը, մարտահրավերները, որոշվել է շարունակել համագործակցությունը այս ֆորմատով»,- հայտարարեց Արայիկ Հարությունյանը՝ շեշտելով, որ այս որոշումը քաղաքական արևտրի արդյունք չէ, այլ զուտ երկրի շահերից բխող որոշում:

VERELQ-ը հիշեցնում է, որ Մասիս Մայիլյանը անցախ նախագահական ընտրություններում առաջադրել էր իր թեկնածությունը, անցել երկրորդ փուլ, սակայն երկրորդ փուլը բոյկոտել էր՝ հայտարարելով, որ «մարտի 31-ին կայացած համապետական ընտրությունները շատ հեռու էին նոր պայմաններում արցախյան հանրության ակնկալած ընտրական զարգացումներից»։