Բակո Սահակյանը համաձայնել է մասնակցել Ապրիլյանի քննիչ հանձնաժողովի նիստին

Արցախի Հանրապետության նախագահ Բակո Սահակյանը իր համաձայնությունը տվել է մասնակցել ԱԺ Ապրիլյան պատերազմի հարցով քննիչ հանձնաժողովի նիստին: Այս մասին լրագրողներին այսօրվա նիստից հետո տեղեկացրեց հանձնաժողովի նախագահ Անդրանիկ Քոչարյանը:

VERELQ-ը հիշեցնում է, որ Բակո Սահակյանին հրավերն ուղարկվել էր մի քանի օր առաջ:  

Ավելի վաղ նիստին մասնակցել էր ՀՀ նախկին նախագահ Սերժ Սարգսյանը, իսկ այսօր՝ ՀՀ նախկին վարչապետ Կարեն Կարապետյանը:

Ինչպես ավելի վաղ տեղեկացրել էինք, հրավեր է ուղարկվել նաև ՀՀ նախկին արտգործնախարար Էդվարդ Նալբանդյանին: