Գավառի միջադեպում ՊՆ համակարգի որևէ զինծառայող կամ աշխատակից ներգրավված չի եղել. խոսնակ

ՀՀ ՊՆ խոսնակ Շուշան Ստեփանյանը պարզաբանում է ներկայացրել Գավառում տեղի ունեցած զինված միջադեպի մասով.

«Գավառ քաղաքում տեղի ունեցած միջադեպի առնչությամբ տարածված տեղեկությունը, թե, իբր, մահացածներից մեկը ռազմական ոստիկանության քննիչ է, չի համապատասխանում իրականությանը։

Վերոնշյալ միջադեպում ՊՆ համակարգի, ներառյալ՝ ՌՈ, որևէ զինծառայող, ծառայող կամ աշխատակից ներգրավված չի եղել»,- գրել է խոսնակը Facebook-ի իր էջում։

VERELQ-ը հիշեցնում է, որ այս պահի դրությամբ Գավառում ապրիլի 28-ին զանգվածային անկարգություններին մասնակցելու կասկածանքով ձերբակալվել է 5 անձ: Սպանվել է երկու անձ, կան վիրավորներ, ոմանց կյանքին վտանգ է սպառնում: