Բեռնափոխադրումների հետ կապված խնդիր կա և՛ Լարսում, և՛ Բագրատաշենում. Ավինյան

318

Այս պահին բեռնափոխադրումների հետ կապված խնդիր կա և՛ Լարսում, և՛ Բագրատաշենում։ Այս մասին Ազգային ժողովում կառավարության հետ հարցուպատասխանի ժամանակ ասաց փոխվարչապետ Տիգրան Ավինյանը՝ պատասխանելով Վերին Լարսի անցակետում բեռնափոխադրումների դժվարությունների և հերթերի մասին հարցին:


Ավինյանն ասաց, որ «այսօր նախատեսված է հեռախոսազրույց ՀՀ վարչապետի և Վրաստանի վարչապետի միջև, որպեսզի հասկանանք ինչպես կարող ենք արագ կարգավորումներ տալ և շարունակական հոն ապահովել, որովհետև կուտակումները արդեն և՛ Հայաստան-Վրաստան սահմանին են, և՛ Վրաստանի ներսում են հայ բեռնափոխադրողներ այս պահին կուտակված, և՛ Լարսի անցակետում»։


Ավինյանի խոսքով՝ կարանտինային տարբեր գոտիների պատճառով գործընթացը դանդաղել է․ «Կարծում եմ՝ մենք մոտակա ժամանակներս հստակ կարգավորումներ պետք է մտածենք, պայմանավորվենք, խաղի կանոններ սահմանենք, որպեսզի բեռնափոխադրումները որևէ կերպ չտուժեն»։


Փոխվարչապետը նշեց, որ բեռնափոխադրումների հետագա արգելքները կարող են խորացնել կորոնավիրուսի պատճառով առաջացած տնտեսական ճգնաժամը, և ամենօրյա ռեժիմով կապի մեջ են Վրաստանի և Ռուսաստանի գործընկերների հետ։


 


 

Տպել

Թեմայի այլ նորություններ
Загрузка...