ԵԱՀԿ.Ադրբեջանի Մեջլիսի նախկին կազմից 64% պատգամավորները մասնակցում են ընտրություններին

ԵԱՀԿ-ի Մարդու իրավունքների և ժողովրդավարական ինստիտուտների գրասենյակը հրապարակել է Ադրբեջանում 2020 թվականի փետրվարի 9-ի խորհրդարանական արտահերթ ընտրությունների մասին միջանկյալ զեկույցը:

Զեկույցում նշվում է, որ արտահերթ ընտրություններին մասնակցելու համար ԿԸՀ-ն գրանցել է 1,637 հազար թեկնածու, որոնցից 83%-ը հանդիսանում է ինքնաառաջադրված։ 19 քաղաքական կուսակցությունների կողմից առաջադրվել է 272 թեկնածու։ Բոլորից շատ իրենց թեկնածուներն առաջադրել են իշխող «Յենի Ազերբայջան» կուսակցությունը (122), ընդդիմադիր՝ «Մուսավաթ» (25) և «Ումիդ» (21) կուսակցությունները։

Ընդհանուր առմամբ, խորհրդարանի նախկին գումարման պատգամավորների 64%-ը, կամ 80 հոգի մասնակցում են արտահերթ ընտրություններին։

Գրանցված թեկնածուների 22%-ը հանդիսանում են կանայք։

Զեկույցում նշվում է, որ Ադրբեջանի իշխանությունները ԵԱՀԿ-ին հավաստիացրել են՝ ազատ և արդար ընտրությունների անցկացման համար քաղաքական կամքի առկայության մեջ։ Դրա տարրերից մեկն է հանդիսանում ընտրատեղամասերում 1 հազ. տեսախցիկների տեղադրումը։

«Ընդհանուր առմամբ նախընտրական քարոզարշավը ընթանում է նորմալ։ Ներկա ժամանակ թեկնածուները նախընտրում են ընտրական քարոզարշավը անցկացնել սոցիալական ցանցերի միջոցով, ընտրողների հետ հանդիպումներին նախապատվում են քննարկել սոցիալական քաղաքականության հարցերը։ Ընդ որում մի քանի թեկնածուներ քարոզարշավը սկսել են ժամանակից շուտ։ Որոշ ընդդիմադիր կուսակցությունները համարում են, որ քարոզարշավի համար հատկացված 22 օրը չափազանց քիչ է իրենց պլատֆորմը ընտրողներին հասցնելու համար»,- նշվում է զեկույցում։

Փաստաթղթում ընդգծվում է, որ 2020 թվականի հունվարի 24-ի դրությամբ՝ ԿԸՀ է ընդունվել 35 բողոք, դրանք բոլորը քննարկվել են և դրանց կապակցությամբ ընդունվել են համապատասխան որոշումներ։ Դրանով հանդերձ 32 բողոքները կապված են եղել թեկնածուներին չգրանցելու հետ, որոնցից 18-ը եղել են չհիմնավորված, հիմնավորված է եղել ընդամենը 9 բողոք։ ԵԱՀԿ ընտրություններից հետո հաջորդ օրը կհրապարակի նախնական եզրակացությունները և կանցկացնի մամուլի ասուլիս։ Վերջնական զեկույցը կհրապարակվի դիտորդային առաքելության ավարտից հետո՝ մոտավորապես ութ շաբաթ անց։

Ադրբեջանի խորհրդարանը բաղկացած է 125 պատգամավորներից։