Փոմպեո. Իրանի նկատմամբ տնտեսական ճնշումները կարող են փոխել երկրի քաղաքականությունը

Իրանի վրա տնտեսական ճնշումը կարող է ստիպել Իրանի ժողովրդին որոշումներ ընդունել երկրի քաղաքականությունը փոխելու համար: Այդ մասին հայտարարել է ԱՄՆ-ի պետքարտուղար Մայքլ Փոմպեոն:

«Մենք կարծում ենք, որ Իրանին փողեր ու հարստություններ ստանալու հնարավորությունից զրկելը ճիշտ մեթոդ է ստիպելու նրանց ընդունել բարդ որոշումներ, որպեսզի ժողովուրդը կարողանա հնարավորություն ստանալ փոխելու այն ռեժիմի բնույթն ու գործելաոճն, որն այդքան վատ է ծառայում Իրանում ապրող 80 միլիոն մարդու»,- նշել է նա: