Փաշինյան-Թրամփ հանդիպումը կկայան ճիշտ ժամանակին և անհրաժեշտության դեպքում. դեսպան

Հանդիպում են, երբ ճիշտ ժամանակն է և դրանց անհրաժեշտությունը կա։ Այս մասին լրագրողների հետ ճեպազրույցում հայտարարել է ՀՀ-ում ԱՄՆ դեսպան Լի Թրեյսին` անդրադառնալով հարցին, թե ինչո՞ւ Փաշինյան-Թրամփ հանդիպումը չի կայանում։

Նա նշել է, որ տարբեր մակարդակներում երկկողմ հանդիպումներ տեղի են ունենում և առկա է արդյունավետ համագործակցություն. «Մեր հարաբերությունների արժեքը չի որոշվում այդ բարձր մակարդակի հանդիպումներով, այլ մեր հարաբերությունների բովանդակությամբ»,- ընդգծել է դեսպանը: 

Նա հավելեց, որ տարբեր օղակներում այցելություններ լինում են, այդ հանդիպումները կայանում են և համագորածակցությունը շարունակվում է։

Նշենք, որ այս օրերին ՀՀ վարչապետ Նիկոլ Փաշինյանը աշխատանքային այցով գտնվում է ԱՄՆ-ում, սակայն նախագահ Դոնալդ Թրամփի հետ հանդիպում նախատեսված չէ: