ԵԱՏՄ մասնակիցները հարաբերությունները կառուցում են վստահության վրա. Վոլոդին

ԵԱՏՄ մասնակիցները միմյանց հետ հարաբերություններում առաջնորդվում են վստահության սկզբունքով, այն դեպքում, երբ Եվրոպայում շարունակում են հետեւել երկակի չափորոշիչներին։ Այս մասին ասել է Պետդումայի նախագահ Վյաչեսլավ Վոլոդինը Ղազախստանի Մաժիլիսի նախագահ Նուրլան Նիգմատուլինի հետ հանդիպման ժամանակ:

Վոլոդինի եւ Նիգմատուլինի հանդիպումն անցել է Եվրասիայի երկրների խորհրդարանների նախագահների IV խորհրդակցության նախօրեին։

Վոլոդինի խոսքով՝ գործընկերային հարաբերությունները ԵՏՄ անդամների միջեւ ստիպում են նրանց հետեւել պայմանավորվածություններին։ «Հենց այդ մոտեցումների անբավարարությունն է այսօր առաջ բերում շատ ճգնաժամեր, հարաբերությունների ճգնաժամեր։ Ուստի, երբ մենք խոսում ենք եվրասիական համագործակցության մասին, հիմքում այստեղ, այնուամենայնիվ, ընկած է գործընկերների վստահությունը միմյանց հանդեպ։ Իսկ երբ Եվրոպայում քննարկում են կարեւոր թեմաներ, բայց եւ գոյություն ունեն երկակի չափորոշիչներ ու «ծածուկ երեք մատի» գործողություն են անում, դա ոչ մի լավ բանի չի հանգեցնի»,- ասել է Պետդումայի նախագահը։