Ջերմուկում գործադուլ ու դասադուլ է` ընդդեմ Ամուլսարի շահագործման

Ջերմուկի բնակիչներն Ամուլսարի հանքի շահագործման դեմ ակցիաների շրջանակներում սեպտեմբերի 20-ին գործադուլ ու դասադուլ են հայտարարել։

Նրանք հանքը չշահագործելու պահանջով շարժվել են դեպի քաղաքի կենտրոնական հրապարակ։ Սպասվում է, որ նրանց կմիանան նաև Գնդեվազ գյուղի բնակիչները։

Վարչապետը խնդրել էր ջերմուկցիներին ժամանակավորապես ապաշրջափակել հանքը՝ խոստանալով, որ մինչև 2020-ի վերջն այն չի շահագործվելու։ Բնակիչներն ու ակտիվիստները մերժել են առաջարկը։