Բոլթոնը Մինսկում աջակցություն կհայտնի Բելառուսի անկախությանը

ԱՄՆ նախագահի ազգային անվտանգության հարցերով խորհրդական Ջոն Բոլթոնը հինգշաբթի կայցելի Մինսկ ՝ քննարկելու տարածաշրջանային անվտանգության խնդիրները և աջակցություն հայտնելու Բելառուսի անկախությանը: Այս մասին ասված է Բելառուսում ԱՄՆ դեսպանության հաղորդագրության մեջ, որը հրապարակվել է Twitter-ում, հայտնում է ՏԱՍՍ-ը:

«Ազգային անվտանգության հարցերով խորհրդական Ջոն Բոլթոնը օգոստոսի 29-ին կայցելի Մինսկ: Դեսպան Բոլթոնը հանդիպումներ կունենա նախագահ Լուկաշենկոյի և արտաքին գործերի նախարար Մակեի հետ` քննարկելու տարածաշրջանային անվտանգության հարցերը և ընդգծելու ԱՄՆ աջակցությունը Բելառուսի ինքնիշխանությանն ու անկախությանը», - ասված է ԱՄՆ դեսպանատան հաղորդագրության մեջ:

Բոլթոնը կլինի ամենաբարձր մակարդակի ԱՄՆ պաշտոնյան, որը կայցելի Բելառուս վերջին 20 տարվա ընթացքում:

Forin Polis ամսագրի հաղորդմամբ, հաջորդ ամիս նախատեսվում է նաև ԱՄՆ պետքարտուղարի քաղաքական հարցերով տեղակալ Դեյվիդ Հեյլի այցը Բելառուս: Այցի ընթացքում սպասվում է, որ նա կքննարկի երկրում ամերիկյան դիվանագիտական ​​ներկայության ընդլայնման հարցը, այդ թվում՝ դեսպանների հնարավոր փոխանակման հարցը:

Ավելի վաղ Մինսկ էին այցելել ամերիկյան մի շարք խոշոր քաղաքական գործիչներ, որոնց ընդունել էր նախագահ Լուկաշենկոն: