Բելառուսը ոչ մի փողի դիմաց չի խզի հարաբերությունները Ռուսաստանի հետ. Լուկաշենկո

Բելառուսի նախագահ Ալեքսանդր Լուկաշենկոն արձագանքել է Լատվիայի արտգործնախարար Էդգար Ռինկեւիչի այն հայտարարությանը, թե Ռիգան անհանգստացած է Մինսկի եւ Մոսկվայի ավելի խոր ինտեգրումը. հաղորդում է ՌԻԱ Նովոստին:

«Մենք ցանկանում ենք, որ լավ հարաբերություններ լինեն Արեւմտյան Եվրոպայի, ընդհանուր առմամբ ՝ Եվրոպայի, Եվրամիության, ԱՄՆ-ի հետ: Ես հասկանում եմ, թե ինչ է ԵՄ-ն եւ Ամերիկան, բայց մենք ոչ մի դեպքում չենք խզի մեր հարաբերությունները եղբայրական Ռուսաստանի հետ` ոչ մի փողի դիմաց»,-  ասել է Բելառուսի առաջնորդը Ռինկեւիչի հետ հանդիպման ժամանակ:

Նա ավելացրել է, որ Բելառուսում ծուռ չեն նայի մի երկրի վրա, որի ուսին միշտ հնարավոր է եղել հենվել դժվար ժամանակներում: «Սա մեր Ռուսաստանն է, մեր ժողովուրդն է, որոնք մեզ հարգում են», - ընդգծել է Լուկաշենկոն:

Նա նաև հորդորել է ընկալել, որ Բելառուսը ինքնիշխան պետություն է: «Այդպես, կարծում եմ, լինելու է միշտ, գոնե այնքան ժամանակ, ինչ ես նախագահ եմ», - եզրափակել է Լուկաշենկոն: