Հաշվառել ԶԼՄ-ները՞, թե՞ ոչ. նոր օրենսդրական կարգավորումներ են մշակվել

116

Արդարադատության նախարարությունը www.e-draft.am հարթակում հանրային քննարկման է ներկայացրել մի շարք օրենքներում՝ այդ թվում՝ ԶԼՄ մասին օրենքում, փոփոխություններ եւ լրացումներ կատարելու մասին նախագիծ:


Նախագծի նպատակը Իրավաբանական անձանց պետական ռեգիստրի տվյալների բազան ԶԼՄ-ների համար անվճար դարձնելն է: Այս մասին հաղորդագրություն է տարածել Արդարադատության նախարարությունը:


Հաղորդագրությունում նաեւ ասվում է. «Ի պատասխան մասնագիտական շրջանակում տարածված մտահոգության՝ հայտնում ենք, որ նշված օրենքով  նախատեսվող փոփոխությամբ որեւէ ԶԼՄ-ի չի պարտադրվում հաշվառվել:


Հաշվառումը նախատեսվել է մեկ նպատակով՝ նույնականացնել այն լրատվամիջոցներին, որոնք կկարողանան անվճար օգտվել Ռեգիստրի տվյալների բազայից: Հաշվառված եւ չհաշվառված լրատվամիջոցների տարբերությունը կայանալու է նրանում, որ չհաշվառված լրատվամիջոցները Ռեգիստրի տվյալների բազայից անվճար չեն օգտվելու:


Այս համատեքստում, եթե մասնագիտական հանրությունը շարունակում է ԶԼՄ-ների մասով որեւէ խնդիր տեսնել (իսկ նման խնդիր, մեր գնահատմամբ,  Նախագծի ընդունմամբ չի առաջանում), Արդարադատության նախարարությունը բաց է քննարկման համար եւ սպասում է կառուցողական առաջարկների:


Միեւնույն ժամանակ տեղեկացնում ենք, որ www.e-draft.am հարթակը ստեղծվել է պետական մարմինների կողմից ներկայացված նախագծերը հանրային քննարկման ներկայացնելու եւ մասնագիտական շրջանակից կարծիք ստանալու համար»:

Տպել

Թեմայի այլ նորություններ
Загрузка...