Սպառնալիքներով մեզ հետ անիմաստ է խոսելը. ԱԳ նախարարի պատասխանը Բաքվին

252

ԱՄՆ-ում տեղի ունեցած հանդիպմանը քննարկել ենք հարցերի բավականին լայն շրջանակ, որոնք կառուցվում են այն ամբողջ երկխոսության վրա, որը տեղի է ունեցել մինչև վաշինգտոնյան հանդիպումը: Այս մասին Երեւանում կայացած մամուլի ասուլիսին հայտարարել է ՀՀ ԱԳ նախարար Զոհրաբ Մնացականյանը:


«Առանձնահատուկ էր այն, որ հանդիպումը տեղի էր ունենում պայմաններում, որ ունեինք լարվածության որոշ աճ սահմանին, բանականաբար դա չէր կարող իր ազդեցությունը չունենալ, բնականաբար մենք բավականին մեծ տեղ հատկացրեցինք այդ իրողությանը մեր հանդիպմանը։ Քննարկեցինք այն բոլոր քայլերը, որ անհրաժեշտ են լարվածությունը նվազեցնել, որպեսզի մենք խուսափենք որևէ լրացուցիչ զարգացումներից, որոնք էլ ավելի կսրեն վիճակը։ Մեզ անհրաժեշտ է վերադառնալ վիճակի, որ մինչև լարումն էր», - հայտարարել է Մնացականյանը։


Նրա խոսքով, դա մեծ նշանակություն ունի։ «Մենք ունենք մի քանի նախաձեռնություններ, որոնք համանախագահների կողմից ևս առաջ են բերվել, և ես կարծում եմ , որ այդ առումով մենք կկարողանանք հասնել իրավիճակի, որ մինչև հաջորդ հանդիպումը մենք կարողանանք գրանցել, որ մենք կարողանում ենք պահպանել միջավայր, որը նպաստում է խաղաղ գործընթացին»,- ասաց նա՝ հավելելով, որ խաղաղոթյանը նպաստող միջավայրը մեզ համար չափազանց կարևոր գերակա խնդիրներից մեկն է։


«Այդ միջավայրն իր մեջ ներառում է երկու կարևոր բաղադրիչ, որոնցից մեկը վերաբերում է մարդկային շփումներին, միջավայրին, որտեղ ատելության մթնոլորտը զարգացում չի ստանա, այլ հակառակը։


Մյուս բաղադրիչն այն է, որ մենք պատրաստ ենք աշխատել էսկալացիայի ռիսկերի նվազեցման ուղղությամբ։


Մենք ունեինք իրավիճակ, որը պահպանվում է Դուշամբեի պայմանավորվածությունների հիման վրա , և սա մնում է գերակա խնդիր մեզ համար։ Դուշամբեն դառնում է Դուշամբե պլյուս, որովհետև իրադրությունն ի ցույց բերեց, որ մենք կարող ենք ամբողջովին սխալ ուղղությամբ գնալ, և այդ առումով, որ մենք ունենք զոհեր և զինադադարի խախտումներ բնականաբար ընդգծվում է կարևորությունը գործառույթների ինչպիսին են հետաքննության մեխանիզմների ներդրումն ու մոնիթորինգի ուժեղացումը։ Սանկտ Պետերբուրգն ու Վիեննան եղել են դրա մասին։


Մեզ համար շատ էական է բովանդակային այդ գործիքները, որոնց գաղափարը կա և որոնց շուրջ պետք է աշխատել, որոնք ուղղված են մեկ բանի՝ պահպանել միջավայրը, որը նպաստում է խաղաղ գործընթացին։ Սա չափազանց էական է մեզ համար,այն առումով, որ մենք չենք հավատում և չենք ընդունում, որ հնարավոր է էֆեկտիվ , գործնկաանան առաջընթաց խաղաղ գործընթացում, երբ իրավիճակը լարվում է», - ասաց նա:


Նա կրկնեց հայկական կողմի հայտնի մոտեցումը, որ հնարավոր չէ մեկ ձեռքով հնարավոր է բանակցել, մյուս ձեռքով կրակել։ «Այդ մոտեցումն ապագա չի ունենալու։ Մենք բազմիցս ասել ենք, որ բանակցային գործընթացում սպառնալիքի լեզունչի աշխատելու։ Օրակարգային հարցերից է եղել Արցախի վերադարձը բանակցային սեղանին։ Մեզ համար առաջնային խնդիրը վերաբերում է ԼՂՀ ստատուսին, անվտանգությանը: Սպառնալիքներով մեզ հետ անիմաստ է խոսելը»,- ասաց նա:

Տպել

Թեմայի այլ նորություններ
Загрузка...