Независимая газета. Չերչիլը չի ցանկացել Հայաստանի վարչապետ դառնալ

Ռուսական Независимая газета պարբերականը «Պատմություններ պատմությունից, աշխարհագրությունից և գրականությունից` նախկին դպրոցականների համար» նյութ է հրապարակել, որում ներառվել է նաև Մեծ Բրիտանիայի վարչապետ Ուինսթան Չերչիլի` հայկական կոնյակի և կուբայական սիգարի հանդեպ սիրո մասին պատմությունը:

Նշվում է, որ մի օր Չերչիլին հարցնում են` կցանկանա՞ր դառնալ Հայաստանի վարչապետ, ինչին նա պատասխանել է. «Ոչ, քանի որ ես սիրում եմ կուբայական սիգար»: Մեկ այլ առիթով նրան հարցրել են` կցանկանա՞ր դառնալ Կուբայի վարչապետ, ինչին նա պատասխանել է. «Ոչ, քանի որ սիրում է հայկական կոնյակ»:

Հոդվածի վերջում հեղինակը հարց է տալիս. «Ի՞նչ կլիներ, եթե Հայաստանում, հայկական կոնյակից բացի, արտադրեին կուբայական սիգար, կամ Կուբայում արտադրեին նաև հայկական կոնյակ»: