Երևանում տեղի է ունենում ՄԳԻՄՕ-ի շրջանավարտների միջազգային համաժողովը

Երևանում մեկնարկել է Մոսկվայի միջազգային հարաբերությունների ինստիտուտի շրջանավարտների երրորդ միջազգային համաժողովը: Ամենամյա համաժողովը արդեն երրոդ անգամ մի հարթակում է համախմբում դիվանագետների պատրաստման խոշորագույն կենտրոնի շրջանավարտներին աշխարհի ավելի քան 60 երկրներից:

Համաժողովի ընթացքում կկազմակերպվեմ պլենար նիստեր արևելյան քաղաքականության խնդրահարույց հարցերի մասով: Մասնակիցները կքննարկեն տարածաշրջանային ինտեգրացիոն գործընթացները, Հայաստանի հետագա զարգացումը եվրասիական ինտեգրացիայի շրջանակում, կարգավորման մեխանիզմները, Մերձավոր Արևելքում և Իրանում նոր իրավիճակը, Չինաստանի տնտեսական մոդելի տեղը համաշխարհային համակարգում և "Մետաքսի ճանապարհի" հեռանկարները:

Այսօրվա նիստը բացեց ՀՀ նախագահ Սերժ Սարգսյանը: Պետության ղեկավարը անդրադարձել է հայ-ռուսակական արդի հարաբերություններին, ՀՀ-ի համագործակցությունը միջազգային կառույցների հետ:Նա հիշեցրել է, որ մոտակա չորս տարվա ընթացքում ՀՀ-ը նախագահելու է Եվրասիական տնտեսական հանձնաժողովի կոլեգիայում: Նախագահը դա լավ հնարավորություն է համարում ԵԱՏՄ-ի գործընկերների հետ առկա տնտեսական խնդիրների լուծման և միության երկրների միջև հետագա տնտեսական ինտեգրացիան խորացնելու համար:

Համաժողովին ընթերցեցին նաև ՌԴ նախագահ Վլադիմիր Պուտինի ուղերձը, որտեղ ՌԴ առաջնորդը շնորհակալություն է հայտնել իր հայ գործընկերոջը Երևանում այդքան խոշոր միջոցառում անցկացնելու համար:

Պուտինի խոսքով, Մոսկվայի միջազգային հարաբերությունների ինստիտուտի շրջանավարտները հերթական անգամ ցուցադրում են բազմահազարանոց ինտեգրացիոն ընտանիքի միաբանությունը, ուսանողական եղբայրության պահպանման, ինչպես նաև ՌԴ-ի համալսարանական ավանդույթների նկատմամբ հարգանքը:

ՌԴ նախագահը պատահական չի համարում համաժողովի անցկացումը Երևանում՝այս տարի լրանում է Արևելյան լեզուների Լազարյան ճեմարանի 200-ամյակը, որը Մոսկվայի միջազգային հարաբերությունների ինստիտուտի Արևելյան մասնաճյուղի նախորդողն էր:

«Լազարյան ինստիտուտը դարձել է ՌԴ-ի ու ՀՀ-ի գիտական, ինտելեկտուալ և հոգևոր կապի խորհրդանիշ, իսկ դրա հիմադիրները՝բարերար Լազարևների ընտանիքը իրենց բարի անունն են թողել մեր պետության պատմության մեջ», - նշված է ուղերձում: