29.03.2024
Անձի լեգիտիմություն եւ կոշտ ընդդիմության բացակայություն. ինչիպիսի՞ն կլինի նոր ԱԺ-ն
prev Նախորդ նորություն

Նորություններ գործընկերներից

Սխալ կացություն և աննորմալ պահ, բայց ԱԺ-ն երկար առանց ընդդիմության չի մնա. Հակոբյան

Այն, որ իրեն որպես հստակ ընդդիմություն դիրքավորող որևէ ուժ ԱԺ չի անցել բավականին սխալ կացություն է և աննորմալ պահ է: Բայց կարծում եմ, որ ժամանակի ընթացքում խորհրդարանում կձևավորվի ներքին ընդդիմություն և նույն քաղաքական մեծամասնության մոտ էլ ֆրակցիոնիզմ կսկսվի: Այս մասին VERELQ-ի հետ զրույցում ասաց քաղաքագետ Վիգեն Հակոբյանը:

Նա նշեց, որ նման հայտարարություն անելու համար իրեն հիմք է ծառայում այն, որ այն քաղաքական թիմը, որն անցել է Ազգային Ժողով, բավականին բազմազան է թե՛ իր ծագումնաբանությամբ, թե՛ անցած ճանապարհով, թե՛ տարբեր խմբերի ու հոսանքների պատկանելիության առումով.

«Ժամանակի ընթացքում չի բացառվում, որ ներսում ինչ-որ հոսանքներ կարող են առաջանալ, ինչպես դա եղավ 1990 թվականի ընտրություններից ընդամենը մեկ տարի հետո, երբ կուռ ՀՀՇ-ից, Վազգեն Մանուկյանի գլխավորությամբ, անջատվեց ԱԺՄ-ն»,- ասաց նա, խորհուրդ տալով չմոռանալ, որ քաղաքական գործընթացները դինամիկ են և այսօր ինչ-որ քաղաքական ուժեր, որոնք իրենց համարում են հեղափոխության աջակից, վաղը կարող են իրենց հռչակեն ընդդիմություն, որովհետև դա նաև Սահմանադրության պահանջ է: Եվ այսպես, թե այնպես հայտարարելու են:

«Բայց այս պահի դրությամբ կարող ենք փաստել, որ այս խորհրդարանում ներկայիս իշխանությունների նկատմամբե իրենց ընդդիմություն դիրքավորող քաղաքական ուժ չկա»,- շեշտեց նա:

Հակոբյանի խոսքով, ընտրությունների արդյունքները բավականին կանխատեսելի էին, քանի որ ի սկզբանե հասկանալի էր, թե առաջին և երկրորդ ուժերը ապագա խորհրդարանում որոնք են լինելու և խնդիրը ավելի շատ երրորդ ու չորրորդ ուժերի մասին էր, առավել ևս, որ մինչև վերջին պահն էլ ՀՀԿ-ի անցումը հավանական էր թվում:Կանխատեսումները, ըստ էության, գրեթե կատարվեցին, պարզապես ՀՀԿ-ն շատ չնչին թվերի պատճառով չանցավ ԱԺ: Հակոբյանի խոսքով, այս ընտրություններում անսպասելի «կրակեց» Դաշնակցությունը, բայց դրան կա բացատրություն.

«Ընդդիմադիր ընտրողների մոտ որոշակի ընտրության հնարավորություն ստեղծվեց՝ ընտրել Հանրապետականին, թե Դաշնակցությանը. ինչ-որ պահի ընդդիմադիր ընտրողների մի մասը՝ ոչ ՀՅԴ-ական ընտրազանգվածի, նախընտրեց ընտրել ոչ թե ՀՀԿ-ին, այլ ՀՅԴ-ին: Վերջինս Հայաստանում ուներ և ունի կայուն ընտրազանգված, որը ցանկացած պարագայում առաջնորդվում է ոչ թե Դաշնակցության օրվա կարգավիճակով կամ քաղաքականությունով, այլ գաղափարախոսությունով: Եվ կարծում եմ, որ երեկ պոտենցիալ ՀՀԿ-ականներից դեպի ՀՅԴ հոսք եղավ, և ՀՅԴ-ին անձամբ իմ կանխատեսածից մեկ տոկոսով ավելի ձայն հավաքեց»,- նշեց նա:

Այն, որ ապագա խորհրդարան չի անցել որևէ ուժ, որը հանդես է եկել իրական ընդդիմության դիրքերից, փաստ է: Բայց դա ի սկզբանե պարզ էր և միշտ հնչեցվել է այն մասին, որ այս ընտրություններին, բացի ՀՀԿ-ից, որն իրեն հստակ ներկայացնում էր որպես սև ուժ, որևէ մեկը իրեն չէր դիրքավորում որպես ընդդիմություն:

Հետաքրքրվեցինք՝ կիսո՞ւմ է այն կանխատեսումները, թե այս խորհրդարանը ճգնաժամային և ժամանակավոր է լինելու: Վիգեն Հակոբյանի խոսքով, ընտրությունները տեղի են ունեցել երեկ և այսօր նման կանխատեսումներ անելը անշնորհակալ գործ է ու ոչ հիմնավոր: Ի վերջո, ասաց նա, պետք է հիմքեր լինեն նման եզրակացություններ անելու համար: Բացի այդ, շարունակեց մեր զրուցակիցը, այն ԱԺ-ն, որ ստացանք ընտրությունների արդյունքներով, ըստ էության հետհեղափոխական է, դրա համար էլ շատ կանխատեսելի էր, որ քաղաքական ուժը, որն իրականացրել է հեղափոխությունը, մոտավորապես հենց նույն տոկոսներով էլ պետք է անցներ ԱԺ: Պարզապես խնդիրը նրանում էր, թե որն է երկրորդ և երրորդ ուժը լինելու.

«Ճգնաժամային այս խորհրդարանն այսօր անվանել չի կարելի, որովհետև, այնուամենայնիվ, այն արտացոլում է հետհեղափոխական հասարակության մի զգալի զանգվածի տրամադրությունները: Առայժմ մենք չունենք նաև որևէ լուրջ փաստեր, որ եղել են կեղծումներ, դրա համար նման հայտարարությունների համար հիմքեր չկան»:
Ինչ վերաբերում է խորհրդարանի ժամանակավոր լինելուն, ապա Վիգեն Հակոբյանը վստահ է, որ դա բացառապես կախված է նրանից, թե որքանով այսօրվա իշխանությունները որոշ ժամանակ հետո կարդարացնեն այն գերսպասումները, որ կա հասարակության մեջ իրենց հետ կապված: Եթե այդ սպասումները չարդարանան, ապա այն հսկա վարկանիշը, որ ունի Նիկոլ Փաշինյանի իշխանությունը, կնվազի և ինչ-որ մի պահից գուցե կհայտնվեն թե՛ արտախորհրդարանական ուժեր, թե՛ հենց ԱԺ-ում ձևավորված ուժեր, որոնք կպահանջեն նոր Սահմանադրություն, նոր ընտրություններ: Բայց դրան հասնելու համար էլ պետք է ռեսուրս, հետևաբար նաև ժամանակ.

«Ներքին ճգնաժամ առայժմ չի երևում: Եթե կա արտաքին ազդակներ, որ կբերեն ճգնաժամի, դա այլ խնդիր է, և արտաքին ազդակներ շատ կարող են լինել, սկսած Արցախի հարցից, որը մշտապես խաղարկվում է ցանկացած քաղաքական գործընթացում: Բայց այս պահին ես զերծ կմնամ նման կանխատեսումներ անելուց»,- հավելեց քաղաքագետը:


Լիա Խոջոյան


 

Հանրային ռադիոն՝ խոպանչիների պարարտ դաշտ. մի խումբ աշխատակիցներ գործադուլ են սկսել
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար