ԱՄՆ-ն ցանկանում է տապալել Իրանի ռեժիմը. Հասան Ռոուհանի

Իրանի նախագահ Հասան Ռոուհանին համարում է, որ Միացյալ Նահանգների իշխանությունները ցանկանում են տապալել իսլամական հանրապետության ռեժիմը: Այս մասին հաղորդում է Reuters-ը՝ վկայակոչելով նախագահի հայտարարությունը տեղի հեռուստատեսության եթերում:

Ռոուհանիի խոսքով, ԱՄՆ-ն հոգեբանական և տնտեսական ճնշում է գործադրում Իրանի վրա: Իրանի նախագահը համարում է նաև, որ Միացյալ Նահանգները կասկածի տակ է դնում Իրանի ներկայիս իշխանությունների լեգիտիմությունը, որպեսզի երկրում իրականացնի ռեժիմի փոփոխություն: