Ռուբլով հաշվարկի անցնելն բխում է ՀՀ շահերից

ԵՏՄ երկրներում հաշվարկը ռուբլով կատարելու մասին Հայաստանի վարչապետ Հովիկ Աբրահամյանի առաջարկը շատ ճիշտ էր եւ բխում էր մեր շահերից։ Այս մասին սեպտեմբերի 23-ին կայացած մամուլի ասուլիսի ժամանակ հայտարարեց «Այլընտրանք» հետազոտական կենտրոնի ղեկավար Թաթուլ Մանասերյանը։

Նրա խոսքով՝ Հայաստանի համար շատ ձեռնտու է ռուբլով առեւտուր անելը։ «Եվ հետագայում էլ միասնական արժույթի անցնելու համար ներդաշնակեցում է անհրաժեշտ»,- հավելեց Մանասերյանը։

ՀՀ վարչապետ Հովիկ Աբրահամյանը սեպտեմբերի 8-ին՝ ԵՏՄ անդամ երկրների կառավարության ղեկավարների հանդիպման ժամանակ առաջարկել էր ԵՏՄ անդամ պետություններին մի շարք ռազմավարական ապրանքների, մասնավորապես էներգակիրների մասով հաշվարկներ կատարելիս անցում կատարել ռուբլու։