Անկարան նորից քննադատում է ԱՄՆ-ին

«ԱՄՆ-ի դեմ Թուրքիայի կողմից օգտագործվող սպառնալիքների լեզուն անհարգալից է եւ բացարձակապես անընդունելի»: Այս մասին ասվում է Թուրքիայի Ազգային անվտանգության խորհրդի նիստից հետո, հաղորդում է Anadolu-ն:

Հայտարարության մեջ նշվում է, որ «Միացյալ Նահանգների հայտարարությունները եւ որոշումները, որոնք սահմանափակում են պաշտպանական ոլորտի ծրագրերը, որոնց շրջանակներում Թուրքիան կատարում է իր բոլոր պարտավորությունները, պայմաններով, որոնք հակասում են միջազգային համաձայնագրերին, անուղղելի վնաս կհասցնեն ռազմավարական գործընկերությանը եւ երկու երկրների միջեւ վստահությանը»:

Նշենք, որ Անկարայի եւ Վաշինգթոնի միջեւ հարաբերություններում նոր լարվածություն է առաջացել ամերիկյան քահանա Էնդրյու Բրանսոնի ձերբակալության եւ դատավարության կապակցությամբ, որին թուրքական իշխանությունները մեղադրում են լրտեսության եւ ահաբեկիչներին աջակցելու համար: ԱՄՆ-ն պահանջում է անհապաղ ազատ արձակել նրան՝ սպառնալով պատժամիջոցներ կիրառել Թուրքիայի դեմ, եթե դա տեղի չունենա: