Բերման է ենթարկվել 217 քաղաքացի. ոստիկանություն

Ժամը 17:00-ի դրությամբ ոստիկանություն է բերվել 217 քաղաքացի: Այս մասին հայտնում են ոստիկանությունից:

Նշենք, որ առավոտվանից Երևանը եռում է՝ տարբեր վարչական շրջաններում մինչ այս պահը շարունակվում են խաղաղ անհնազանդության գործողությունները, հազարավոր մարդիկ փողոցներ են փակում, իրենց մեքենաներով արգելափակում երթևեկությունը կամ ուղղակի ազդանշաններով ողջունում ցուցարարներին:

Քիչ առաջ շարժման ակտիվիստները սոցիալական ցանցերի միջոցով կոչ արեցին բոլորին թողնել փողոցները արգելափակելու գործողություններն ու շարժվել դեպի Հանրապետության հրապարակ, որտեղ ժամը 19.00-ին պետք է մեկնարկի հանրահավաքը: