Սերժ Սարգսյանն ընտրվեց ՀՀ վարչապետ

Սերժ Սարգսյանը ընտրվեց ՀՀ վարչապետ: Ազգային ժողովում քվեարկությունը տեղի ունեցավ բաց անվանական կարգով:

Քվեարկությանը մասնակցած 97  պատգամավորներից քվեարկեց 77 կողմ, 17` դեմ:

Քիչ առաջ տեղի ունեցավ այս քաղաքական տարվա թերևս ամենագլխավոր քվեարկությունը` ՀՀ վարչապետի պաշտոնում Սերժ Սարգսյանի թեկնածությունը հաստատելու հարցի շուրջ:

Նախքան այս քվեարկությունը Ելք խմբակցությունը 20 րոպե ընդմիջում պահանջեց:

«Որպեսզի մենք ապրենք օրենքի երկիր Հայաստանում, որպեսզի մենք ապրենք լուսավոր ու բարգավաճ Հայաստանում իրոք անհրաժեշտ է, որպեսզի քնած հրաբուխները չարթնանան: Իսկ դրանք չեն արթնանա, եթե բզբզողներ չլինեն»,- նախքան ելույթը հայտարարեց Սերժ Սարգսյանը: Իր խոսքում նա նաև խնդրեց խորհրդարանական ընդդիմության խմբակցությունների քվեն: